يوميات طالب (خطاب المدير)

 يوميات طالب



اهلا بكم اعضاء و زوار عالم نت 
نبدا الموضوع
3

2


1


الطالب الغلبان رايح المدرسة اول يوم و كالعادة متفائل خير السنة دى( زى كل سنة )يعنى 

وصل على باب المدرسة 
لقى البواب واقف و على وشة غضب السنين ( زى كل سنة)

وقف فى الطابور و لابس شنطة 2 طن و نص ( زى كل سنة )

قربو يطلعو على الزنازين ( الفصول ) 


جة المدير و هايقول خطاب فى الطابور ( زى كل سنة ) 


و الخطاب كالاتى 




المدير : اعزائى الطلاب و الطالبات  (اعزائى هانكدب من اولها ؟! ) 


يوم جديد عام دراسة جديد ( ياراجل ؟! تصدق ما كنت اعرف انا كنت جاى المدرسة ابيع زتون و مروح تانى ) 




و اتمنى ان السنة دى تكون سنة جميلة و رقيقة و سعيدة علينا كلنا  !!!
( ماتستغربوش دى مدرسة الاحياء عدت من قدام المدير ) 




و نقدر نمشى على منهج الوزارة الصحيح
( عارفين المشى على المنهج دا الى بيعملوة الطلاب اخر كل سنة يجيبو المنهج و يمشو علية مشى  )


و نقدر نوصل المعلومة للطالب  بكل سلاسة 
( اة سلاسة  عارفها انا السلاسة دى لسة معلومة على ايدى من السنة الى فاتت و خصوصا سلاسة المدير ( الخرزانة ) 


و الحمدللة السنة الى فاتت كانت نتائج الطلاب عالية جدا فوق ما الكل كان يتصور !!!
 ( مش طولت منك دى ؟! ) 

و عشان كدا قررنا ان السنة دى نبقى احسن من الى قبلها
( لا تعليق ! متاكد انك مدير المدرسة دى ولا المدرسة الى جنبنا ؟! ) 

عشان كدا قررنا 
(يالهوى المدير قرر ) 


ان مواعيد اليوم الدراسى هاتبقى كالاتى 


فتح باب المدرسة  من 7 صباحا ( و انا هافتحلك .....................)


اغلاق باب المدرسة من 8 صباحا ( الهى يقفلها فى وشك دنا و اخرة يا شيخ )


الخروج من المدرسة الساعة 3  و نص ظهرا 
(.................................) طبعا عارفين القوسين دول فيهم كلمة اية طبعا 




ينتهى الخطاب بتاع المدير و يرن الجرس و يطلع الطلاب للزنازين ( الفصول ) 
و تبدا رحلة العذاب 


انتظرونا فى الحلقة القادمة من يوميات طالب

Posted in: يوميات طالب